NASKAH LOMBA BIANTARA FLS2N


NASKAH LOMBA BIANTARA FLS2N

NAMA PESERTA :
NO PESERTA :
SEKOLAH :
JUDUL / TEMA : “NGAMUMULE BASA SUNDA”

 

Assalau’alaikum Warahmatullahi Wabarakaatu

Alhamdulillahi robbil alamin, wasshalaatu wassalaamu alaa asrafil anbiyaa’i  wal mursaliin wa’ala aalihi wasohbihi ajma’in, amma ba’du.

            Sampurasun!

Langkung tipayun hayu urang panjatkeun puji sinareng syukur ka dzat anu Maha Suci Allah SWT. Kalayan qudrat sareng iradat Anjeunna sim kuring tiasa patepung lawung paamrok jonghok dina dinten anu bagja ieu. Sholawat miwah salam mugia salamina dilelerkeun ka jungjunan alam, Kangjeng Nabi Muhammad SAW miwah kulawarga sareng para sohabatna, kalebet urang sadaya salaku umat di akhir jaman. Mugia dina dinten balitungan jaga urang sadaya kenging safa’at ti mantenna. Aamiin Yaa Robbal Alamin.

Juru pangajen miwah hadirin anu sami linggih di ieu tempat nu ku simkuring dipihormat, simkuring kalintang ngaraos bingah tur bagjana rehna dina kasempetan ieu simkuring tiasa janten wakil ti International Green School kangge lomba biantara FLS2N Tingkat Sumedang Utara.Wasta simkuring Alya Hamidah Kurniawan Kelas 3 SD International Green School dina kasempetan ieu simkuring kenging pancen kangge ngadugikeun biantara anu judulna “Ngamumule Basa Sunda”.

Juru pangajen miwah hadirin sadaya, miara sareng ngamumule Basa Sunda teh kacida pentingna. Utamina kangge urang sadaya nu netep di Sumedang nu ngagaduhan program “Sumedang Puseur Budaya Sunda”, tangtos kedah ngagunakeun Basa Sunda kangge komunikasi sadidinten.

Nanging, upami ditingali dina sadidinten ayeuna, seueur murangkalih anu kirang wanoh kana Basa Sunda, dina wanohna oge malahan mah kanu Basa Sunda nu kasar, malihan mah teu apal undak usuk basa kumaha nyarios ka saluhureun, kasahandapaeun sareng kanu sapantaran. Rasa kareueus sareng rasa kacinta kana Basa Sunda tos luntur. Seueur ibu-bapa pituin urang Sunda, tapi nyarios sadidinten ka putrana ngangge Bahasa Indonesia.

Ningal kaayaan nu sapertos kitu, simkuring ngaraos ketir, kumaha saupami dina mangsa nu baris dongkap, Basa Sunda teh baris kantun dongengna wungkul? Kujalaran eta hayu atuh urang kawitan ku urang anu ngaraos urang Sunda mah, urang ngamumule Basa Sunda.

Kumaha carana? Sarat utamina tangtos urang kedah gaduh rasa kacinta reujeung kareueus kana Basa Sunda. Eta rasa kacinta jeung kareueus teh tiasa kaujudkeun upami tos wanoh. Janten, supados generasi urang Sunda bisa ngamumule basa sareng sastra Sunda teh, langkung tipayun kedah diwanohkeun ti alit keneh. Kumargi kiti, hayu urang gunakeun Basa Sunda anu leres undak usuk basana, lentongna sareng rengkuhna dina unggal gunem catur.

Sok sanaos simkuring sakola di International Green School nu sok diajar Bahasa Inggris, nanging sakola teu ninggalkeun kana Basa Sunda, kabuktos di sakola aya istilah “Sundanese Day” unggal dinten kemis, simkuring sareng rerencangan sadayana diwajibkeun ngagunakeun Basa Sunda anu luyu sareng aturan. Sanes dina basa na wae, di sakola oge diajar kasenian Sunda sapertos kaulinan barudak, kakawihan, pupuh, sareng sejarah-sejarah di daerah patilasan Sumedang Larang anu janten cikal bakal Basa Sunda. Oge teu hilap diajar tatakrama urang Sunda.

Juru pangajen miwah hadirin sadaya, mung sakieu biantara ti sumkuring. Hapunten pami aya cariosan anu kirang merenah dina manah, kumargi simkuring nuju diajar keneh.

Dipungkas ku sisindiran urang sunda.

Jalan-jalan meuli tomat

Balikna meuli calana

Juru pangajen nu dipihormat

Sing ageung masihan nilaina

 

Nyai Inten Nyai Inten

Linggihna di parapatan

Hapunten abdi hapunten

Bilih seueur kalepatan

            Hatur nuhun. Wassalamu’alaikum Warahmatullahi Wabarakaatu.  

 

 

 

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s